Gutt iessen, talentéiert Museker a gemittleche Ambiance: Dat sinn d’Ingredienten fir en gelongenen Owend! Am Bistrot La Souffleuse kënnt Dir e Concert an e Buffet, dee speziell fir dësen Ulass virbereet gouf, a vollen Zich genéissen.

Den Duo mam Serge Tonnar a Georges Urwald interpretéiert zanter 2019 Lëtzebuerger Klassiker op eng radikal nei Aart a Weis. Elo hunn si hiren neien Album KAPOUTTY. am Gepäck. Lidder vum Poutty Stein, dem Papp vun der Lëtzebuergescher Chanson, wéi een se nach ni héieren huet.

.